ავტოკრატიულ, ძალადობრივ მმართველობას, რომელიც წარსულის მავნე და საბჭოთა რუსული პრაქტიკის გადმონაშთია და მის გამოვლინდებებს:
ჩვენ გავაგრძელებთ ბრძოლას მშვიდობიანი და სამართლებრივი გზებით, როგორც საპროტესტო აქციებით, ისე საერთაშორისო პარტნიორებთან თანამშრომლობით, რათა დაინიშნოს სამართლიანი არჩევნები და დავიბრუნოთ ქვეყნის მომავალი.
ჩვენ გავაგრძელებთ ჩვენი ძალების კონსოლიდაციას, გაერთიანებას, სიმართლის გავრცელებას და ახალი მომხრეების შემატებას. სამართლიან პროტესტში სრულიად საქართველოს ჩართვას.
ახალი არჩევნების ჩანიშვნა ქართული ოცნების მარცხის პირველი ნაბიჯი იქნება, მაგრამ ჩვენი ბრძოლა სამართლიანი და გამჭვირვალე არჩევნებისთვის გაგრძელდება. ჩვენ ვიქნებით დარაჯები, რათა მმართველმა ძალამ ვერ მოახერხოს ახალი მანიპულაციები და პროცესის კიდევ ერთხელ გაყალბება.
ჩვენი ძალისხმევითა და პრეზიდენტის მეთაურობით საზოგადოებრივმა ჯგუფებმა, არასამთავრობო ორგანიზაციებმა და ოპოზიციურმა პოლიტიკურმა პარტიებმა უნდა შექმნან არჩევნებისკენ მიმავალი ეფექტური გეგმა, რომელიც დაექვემდებარება საჯარო განხილვებს. ეს გეგმა შეიძლება იყოს რამდენიმე და აზრთა ჭიდილისა და საზოგადოებასთან კონსულტაციის შედეგად შეჯერდება. მიღებული გეგმა გავრცელდება ყველგან და ყველა ფორმით, მედიით, კარგადაკარ სიარულით, რეგიონებში, უნივერსიტეტებში და ყველა საზოგადოებრივ სივრცეში. მნიშვნელოვანია შეიქმნას საზოგადოებრივი მექანიზმები, ინსტრუმენტები, რომლებიც გეგმის განხორციელებას უზრუნველყოფენ.
თუ წინა პუნქტი სრულდება, თუ ჩვენ გვაქვს და მივყვებით გამჭვირვალე და ნათელ გეგმას, როგორ დავიცვათ ჩვენი არჩევანი, არჩევნების გაყალბება შეუძლებელი იქნება. ყველა სხვა ქვეყნის მაგალითი, სადაც მსგავსი პროცესები განვითარდა, გვარწმუნებს, რომ თუ ქართული ოცნების მხარდაჭერა 20 პროცენტზე მეტი არ იქნება, ჩვენ გავიმარჯვებთ და გამყალბებლები ვერაფერს მოახერხებენ.
თუმცა არ უნდა დაგვავიწყდეს წარსული არჩევნების გამოცდილება და ქართული ოცნების უნარი გაგვაოცოს საკუთარი უსინდისობით, უნდა ვიყოთ მზად ნებისმიერი სცენარისთვის და შემზადებული გვყავდეს საზოგადოება, რომ ხელახალი გაყალბების შემთხვევაში საკადრისი პასუხი გავცეთ კანონდამრღვევებს.
საქართველოს მომავალი ეკუთვნის ხალხს და არა ერთ რომელიმე პარტიას. ვერცერთმა ძალამ ვეღარ უნდა მოახერხოს ძალაუფლების სრულიად და საკუთარ ხელში მოქცევა.
არსებული პარტიული და პოლიტიკური სისტემა უნდა დაინგრეს. პარტიები, რომლებიც დემოკრატიული წესებით არ თამაშობენ, უნდა გაქრნენ პოლიტიკური ველიდან, ან ჰქონდეთ მინიმალური რეიტინგი. საზოგადოებამ ხელი უნდა შეუწყოს ახალი დამოუკიდებელი პოლიტიკური მოთამაშეების გამოჩენას, საყოველთაოდ უნდა დაინერგოს პრაიმერიზების სისტემა, სადაც რიგითი მებრძოლი შეიძლება გახდეს ლიდერი. პოლიტიკური პარტიების ლიდერი უნდა ხდებოდეს ხალხის მხარდაჭერით და არა ერთი ჯგუფის მიერ დაწერილი სიით. უნდა შეიქმნას ახალი მმართველობის დემოკრატიული და გამჭვირვალე მოდელი.
მოქალაქეებმა უნდა გავითავისოთ, რომ ნებისმიერი მთავრობა პასუხისმგებელია ხალხის წინაშე. მათ აქვთ ვალდებულებები ჩვენი მიმართ და ჩვენ უნდა ვიქცეთ გარანტებად, რომ ვერავინ გადაუხვევს ამ გზას.
ვოცნებობთ ქვეყანაზე, სადაც მთავრობა ემსახურება ხალხს და არა პირიქით. ქვეყანაზე, სადაც კანონი მოქმედებს ყველასთვის თანაბრად და სადაც ადამიანებს არ უწევთ ქვეყნიდან გაქცევა და ემიგრაციაში წასვლა.
ქვეყანაზე, რომელიც არის ეკონომიკურად ძლიერი, სოციალურად სამართლიანი და კულტურულად მდიდარი.
თუ გჭირდებათ ტელეფონის დატენვა, შესვენება, ცხელი ყავა/ჩაი თუ რაიმე სხვა, შეგიძლიათ შემდეგ ბარებში მიხვიდეთ:
თბილისში და საქართველოს ქალაქებში საპროტესტო გამოსვლები 28 ნოემბრიდან დაიწყო, მას შემდეგ, რაც „რუსული ოცნების” ხელისუფლებამ გადაწყვიტა 2028 წლის ბოლომდე დღის წესრიგში არ დააყენოს ევროკავშირთან მის წევრობაზე მოლაპარაკების გახსნის საკითხი და 2028 წლის ბოლომდე უარი თქვას ევროკავშირის საბიუჯეტო გრანტებზე.
მთავრობის მხირდან ხდება, ფიზიკური ანგარიშსწორება, მშვიდობიანი აქციის მონაწილეთა მიმართ მუქარა და გინება, ძალადობრივი უკანონო დაკავება, ჟურნალისტურ საქმიანობაში ხელშეშლა, ასევე, ფიზიკურ პირთა დაჯგუფებების ჩართულობა აქციის მონაწილეთა წინააღმდეგ და ასე შემდეგ!
ამ ყველაფრის მიხედევად, ჩვენ ქართველი ხალხი არ ვნებდებით და ერთად დგომით და ერთობით მივიწევთ წინ, გამარჯვებისკენ, ევროპისკენ!
✊🇬🇪🇪🇺✨
