თუ აქციაზე ვინმეს დააკავებენ ან გაიტაცებენ შეგიძლიათ დაუყოვნებლივ დარეკოთ არასამთავრობოების და მათ შორის, საიას ერთობლივ ცხელ ხაზზე და შეატყობინოთ: +995 577 07 05 63
დაკავებულის შესახებ ინფორმაციის მოპოვება ასევე შესაძლებელია თბილისის საპატრულო პოლიციის სამორიგეოს ნომერზე: 0322418505
ან შესაძლოა იმ უბნის საპატრულო პოლიციის დეპარტამენტში, რომელმაც დააკავა. თუ გადამოწმების პროცესი ყოვნდება ან ამას დისტანციურად ვერ ახერხებთ, დაკავებული შესაძლოა რომელიმე იზოლატორში ჰყავდეთ (თბილისში, მცხეთაში, ან სხვაგან, სადაც იმ დროისთვის ადგილი იქნება). ერთ-ერთია ზაჰესში, თბილისის დროებითი მოთავსების იზოლატორი. შეგიძლიათ სცადოთ მათ ნომერზე დაკავშირება: 0 32 2 312 734, თუმცა თუ ამას ვერ ახერხებთ, შეგიძლიათ ფიზიკურად მიხვიდეთ, იქვე, იზოლატორების მიხედვით, ორ შიდა ნომერზე დარეკოთ და სახელითა და გვარით შეამოწმოთ.
როდესაც მიაგნებთ, გაარკვიეთ ვინ არის მასთან ერთად დაკავებული და მათ ახლობლებსაც გააგებინეთ.
როდესაც აღმოაჩენთ სად არის, წაუღეთ საკვები (მყარი საკვები, ცომეული, ხილი, ტკბილეილობა), გამოსაცვლელი ტანსაცმელი (ბალიშზე დასაფენადაც გამოდგება), სიგარეტი და ასანთი, ტუალეტის ქაღალდი, საპონი, კბილის ჯაგრისი და კბილის პასტა ადგილზევე შეუძლიათ მოთხოვონ. წესით უნდა მიაწოდონ.
